Hinggil sa “Pagpapalaya” kina Ces Drilon (Isang Haka)


Bago ang aking litanya, nais kong ipaabot ang marubdob na pakiki-isa sa pagsasaya at pagpapasalamat ng pamilya ng mga bihag sa “pagkakalaya” nina Ces, Prof Dinampo at, jim.

Eto na ang litanya…

1. Nabali ang panuntunan ng pamahalaan na “No Ransom”.  At ang pangunahing partido sa paglabag sa patakarang ito ay ang mga tauhan din mismo ng pamahalaan, sa pamamagitan ng pagbibigay ng “board and lodging fee” at “livelihood projects/programs” sa mga “bandido”(i still dont believe its ASG, i will explain it later).

Marami ang agad nagduda nang unang ipagyabang ni Razon ng PNP na anytime sa araw na ito ay lalaya sina ces.  at bagamat, nakahinga ang mga nagduda, di pa rin natanggal ang kanilang haka hinggil sa tunay na dahilan ng “pagpapalaya” kina ces.

Ano ngayon ang implikasyon ng pangyayaring ito?

— A. Wala nang order sa bansang ito.  Kung ang mismong mga nagpapatupad ng batas ang lumalabag sa sarili nitong polisiya, malinaw na isang bulok na pamahalaan ang namumuno sa ating bayan sa kasalukuyan.  Don’t get me wrong, i too, wanted, in fact i prayed, for ces’ and others’ safe release, pero hindi sa pamamagitan ng ransom.

— B. Ito ngayon ang pinaka-lantad na bayaran ng ransom (sa hanay ng mga media person na nakidnap sa mindanao), gamit ang mga katagang “board and lodging fee” at “livelihood programs”  Tiyak na mula sa kasong ito, mas dadami ang bilang ng mga mamamahayag na makikidnap sa mindanao sa mga susunod na araw.  Maraming mga tarantado rin ang maeengganyong magtayo ng kani-kanilang KnR groups dahil alam na nilang magbibigay ng pera ang gobyerno atbpa, kung masyadong sikat ang taong kanilang mabibihag.

Mas lalo lang pinatatag ng aksyong ito ang industriya ng pangingidnap sa ilang bahagi ng mindanao.

— C. Tuluyang sinelyuhan ng aksyong ito ang mindanao bilang pinaka-mapanganib na lugar sa mga mamahayag (dahil nandito naka-pakat ang pinakamaraming bilang ng sundalo, ngunit di magawang pigilan ang mga deklarado nilang maliliit na teroristang grupong tulad ng ASG at JI).

2. Sino naman ang makikinabang sa “paglaya nina ces?

— A. Syempre ang mga kidnapper.  Nagkapera sila.

— B. Ang mga negotiator.  Sumikat sila at pwede nilang i-claim habang-buhay na sila ang dahlan ng paglaya ng mga bihag.  Tyak nang may pambola na sila sa mamamayan para sa darating na halalan.

— C. Ang mga pulis at militar.  Pogi points.  At pera naman para sa mga may kaugnayan sila sa A.

— D. Ang gobyerno, aba tiyak na may headline na si madam gloria sa kanyang SONA!  The very reason why they are supportive (although hindi openly declared — kasi nga sino ba magbibigay nung “livelihodd” na yun? di ba ang gobyerno rin?) abut the possibility of paying smething for the ‘safe’ release of ces et al.

— E. Ang mga bihag mismo.  syempre, ligtas na sila. 🙂

— F. Ang ABS-CBN.  Abah, sulit naman ang ibinayad nila, kung nagbayad sila.  Dahil kung si ces na ang mag-uulat ng lahat ng nangyari aba, tiyak na mangunguna ito sa ratings!  Siguradng dadami ang advertisers na mga big time.  At sigurado na ang bagong senatoriable mula sa public affairs ng ABS-CBN (pinsan ito ni Sen. Bong kaya tyak may machinery ito si ces kung tatakbo ito).

Ito ang isa sa mga nakatagong dahilan kung bakit may mga media company na hindi masyadong nalulungkot pag may mge reporter silang nasasalang sa ganitong sitwasyon.. Aba naman, magbabayad ka lang pero ang kapalit, isang eksklusibong inside story na nakasakay sa libre at malawak na media hype.  equivalent sabi ko nga, mas maraming pera papasok.

ahh… napakamahal nga naman ng katotohanan sa bansang ito.

3. At ang identity ng mga kidnapper?  Ang kredibilidad ng pagiging asg ng mga ito? (paniwala ko’y di ito mga asg kundi mga mersenaryo o mga aktibong elemento ng army at sibilyan)

Tingin ko, sapat na sa mga kidnappers ang P100,000.  Ang P15M ay pagbabasakali na lang nila na makakuha pa ng malaking pera.  Ang “livelihood” ay hindi naman nila talagang kukunin, dahil alam nilang sa pamamagitan nito’y mati-trace sila ng gobyerno.  Ang “livelihod” ay isang tabing lamang para sa kanilang ligtas na pag-atras.  Ang siguradong babalikan ng mga ahente ng paniktik ng afp ay ang lugar kung saan maipapatupad ang livelihood.  Naturally, ganun talaga.  Kasi otomatikong iisipin na may isang pamilya ng mga ASG ang makikinabang sa ganung proyekto sa espisipikong lugar.  At habang dito nakatutok ang pansin ng mga military intelligence operatives, nandun na sila sa malayo, ligtas.

Tingin ko, nasaksihan natin ang handiwork ng pinakabagong kidnap for ransom group sa mindanaw.  at ang pangingidnap kina ces ay ang una nilang trabaho.  they are just testing the water, kung ano ang magiging reaksyon ng private sector, ng media, at ng ilang elemento ng gobyerno na wala sa kanilang payola.

At dahil dyan, we should expect more kidnapping in the future specially in that particular place.

2 Responses to “Hinggil sa “Pagpapalaya” kina Ces Drilon (Isang Haka)”

  1. che battung Says:

    bakit pinayagan nila na magbayad sila ng ransom? pano na ang economiya natin?

  2. beblogger Says:

    hay naku! another rants from citizens like us. The government has always been strict with a NO RAMSON POLICY in all kidnapping incidents in the country but they always fail to implement it, fooling people that no ransom was released but too obvious they did. When will this fooling end???

    barangayrp:

    pag di na tayo nagpaloko, saka lang matitigil ang panloloko. 🙂

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s


%d bloggers like this: